البارحه ليلي هموم وكوابيس

[فهد]

اخواني وخواتي منتدى المهاجر لها


حبيت اهدي لكم هذه القصيده لعدم دخولي المنتدى بسبب ضروف

ولكم هذه القصيده ........


البارحه ليلي هموم وكوابيس... وابعد من الجوزاء علي الوناسه

ماغير انا والليل والثالث ابليس...كلن على الثاني يبيله رئاســــه

مدري ظروف اوحب والا هواجيس...والا الثلاثه كلهن فوق راســـه

او ان عقلي صايرن فيه تنكيس...وللعقل في بعض الامور انتكاسه

يالايمي لا تلومني قبل ماتقيس....واللوم للميس يزود بياســـه

والشمت طبع للرجال الهلابيس....اهل الهدف والنمنه والبلاسه

وانا معي عقل ومشاعر واحاسيس..وعيون واخلاق وقلب وجراسه

لكن حصلي من زماني عواكيس...وعجزت هذا الوقت لعرف لناسه

هذا يموها بهرج تماليس... وهذا تجاهلها عناد وخساسه

وهذا يغرك مظهره بالملابيس.... وهذاك يلبس لبس مااهو لباسه

وهذا تذعذع له هبوب النسانيس....ووهذاك تقل مغمغمله بطاسه

وليا حصلك من زمانك كعاميس....اصبر وللصبر الجميل انعكاسه

تدرسك دنياك من غير تدريس... ماهو لزوم انك تدرس دراسه

وللناس بالدنيا خصوص وقواميس...اللي يغرف بدرام والي بكاسه

وناس تهجس من غثى الوقت تهجيس....وناس تسايسها وتأتي سياسه

وناس تبي عرش مثلعرش بالقيس ....وناس تبي لو يوم فرقاء التعاسه

وترى الردي لو فيك سوى نواميس...ينقدعلى نفسه ويرجع لساسه

والتيس مثل العنز كان انخصى التيس...والتيس مااهو تيس لو لا التياسه

قنعت واقنعني كتاب الوساويس...لكن عقب مااصرت شيك الفلاسه




$][ وســـــــــــــــلامتكم][$
$][فهــــــــــــــــــــــــد][$

[جهيران]

صح لسانك يالغالي ومعذور ولاهنت على القصيده


جهيران

[دموع الذكريات]

معذور اخوي الكريم

ويا هلا فيك من جديد

كلمات جميلة جدا واحساس صادق

سلمت اناملك لجمال ما خطت

بانتظار جديدك عزيزتي

لك مني ارق تحية

[مزعلة النساء]

من جد كلمات ولا اروع

والله يعطيك الف عافيه اخي فهد


صرررررررقوعه